Ахсынньы ый 18 күнүгэр Дьаҥхады нэһилиэгэр "Мэҥэ Хаҥалас оройуонун тырахтарыыстара" иккис "Сэбиэскэй Сойуус Геройа Ф.К. Попов аатынан сопхуос" диэн кинигэтэ сүрэхтэннэ.

1957 сыллаахха Баатара, Дьаҥхаады, Мэлдьэхси нэһилиэктэрин холкуостара холбоһоннор, Сэбиэскэй Сойуус Геройа Федор Кузьмич Попов аатынан холкуос, онтон 1967 с. кулун тутар 1 күнүттэн сопхуос тэриллибитэ. Герой Попов аатын үрдүктүк тутан сопхуоска өрө көтөҕүллэн күн-дьыл ыарахаттарын аахсыбакка, бары биир санаанан үлэлээбиттэрэ.

Олох сайдарын туһугар тымныыны, куйааһы аахсыбакка, хорсуннук үлэлээбит тырахтарыыстар ааттарын үйэтитэр сыаллаах оройуоҥҥа бастакы тыраахтар кэлбитэ 90 сылын көрсө “М-Х оройуонун тырахтарыыстара” диэн кинигэ күн сирин көрдө.

Иккис кинигэҕэ Сэбиэскэй сойуус геройа Ф.К. Попов аатынан сопхуос тырахтарыыстара киирдилэр. Тимир аты баһылааһын уустуктарын, бастакы кыайыыларын, улахан ситиһиилэрин туһунан үлэлээн ааспыт дьон бэйэлэрин уонна чугас дьоннорун ахтыыларыттан билиэххит.

Кинигэни танан хомуйан онордулар Саха республикатын үөрэҕин туйгуна, гражданскай килбиэн бэлиэ хаһаайката, Дьабыыл нэһилиэгин бочуоттаах олохтооҕо Татьяна Ивановна Артемьева, уонна Мэнэ Ханалас кыраайы үөрэттээччи некомерческай общественнэй тэрилтэ салайааччыта Александр Владимирович Эверстов буолаллар.

"Мэҥэ Хаҥалас оройуонун тырахтарыыстара" кинигэни нэһилиэк бибилэтиэкэтиттэн уларсан ааҕыаххытын сөп.